Appius Claudius Pulcher (consul 54 a.C.n.)




Appius Claudius Pulcher (mortuus in insula Euboea 48 a.C.n.) fuit in republica Romana senator et fautor Pompei in bello civili. Consulatum anno 54 a.C.n. gessit. In scientia augurali multum versatus est et nonnullos libros de ea re conscripsit. Teste Cicerone necromantiae quoque vel "psychomantiae" operam dabat[1]. Pythiam demum Delphis consuluisse initio belli civilis et ambiguum responsum rettulisse mortem suam nuntians a pluribus auctoribus narratur[2].




Index






  • 1 De familia


  • 2 De cursu honorum


  • 3 Notae


  • 4 Fontes


  • 5 Bibliographia





De familia |


Appio Claudio Pulchro, patricia et clarissima gente Claudia orto, pater fuit consul anni 79 a.C.n. eiusdem nominis, frater autem acerrimus Ciceronis inimicus Publius Clodius Pulcher, qui nomen gentilicium Claudium in Clodium mutavit, cum in plebem adoptione transiit, sorores tres quarum una Clodia maritum Quintum Caecilium Metellum Celerem habuit, altera Lucio Lucullo nupsit atque post mariti ecx Asia reditum repudiata est[3]., alia quae Quinti Marcii Regis uxor fuit. Appius minorem filiam Claudiam Marco Iunio Bruto collocavit, cuius socer fuit, alteram filio maiori Gnaei Pompei[4].



De cursu honorum |



  • 72 - 70 a.C.n. Legatus (tribunus militum ?) Lucii Luculli, sororis mariti, in bello Mithridatico qui eum ad regem Armeniorum Tigranen frustra misit Mithridatem sibi ut traderet petitum[5].


  • 57 a.C.n. Praetor


  • 56 a.C.n. Pro praetore in Sardinia mense Aprili Lucam ad Caesarem venit[6]


  • 54 a.C.n. Consul. A Gaio Pomptino stetit qui adversantibus praetoribus Catone et Servilio die IV Kal. decembres de Allobrogibus triumphavit[7].


  • 53 - 51 a.C.n. Proconsul in Cilicia.


  • 50 a.C.n. Censor cum Calpurnio Pisone.


  • 49 a.C.n. Cum maiore parte senatorum Pompeium in Graeciam secutus est. Brevi tamen mortuus est nec proeliorum particeps fuit.


In censura et severus et Caesarianis iniquus fuit (etenim Pompeio in discordia civili favebat) : et libertorum liberos et multos alios (e quibus notissimus fuit historicus Sallustius Crispus) e senatu expulit[8]. Ob asperitatem morum etiam cum tribuno plebis Curione et aedile Marco Caelio Rufo[9] vehementer conflixit, qui tum ad Caesarianas partes transierunt.



Notae |




  1. ↑ Tusc. I,37 et Divin. I,132.


  2. ↑ Lucanus, loc. cit. Orosius Historiae VI,15,11.


  3. ↑ Plutarchus, Lucullus 21, 34, 38. Cicero, Pro Milone 73.


  4. ↑ Cicero ad Fam. III 4.2, 5.5, 10.10. Dio Cassius 39.60


  5. ↑ Plutarchus, Lucullus 19 et 21.


  6. ↑ Plut., Caes. 21


  7. ↑ Ad Att. IV.18.4.


  8. ↑ Dio Cassius 40.63-64. Cicero, Ad fam. 8.14.4. De div. I.29.


  9. ↑ Ad Fam. VIII.12



Fontes |




  • Cassius Dio, libro XXXIX Historiae Romanae, cap. 6-8, 60 necnon libro XL cap.63-64.


  • Cicero, libro secundo Epistularum ad familiares, ep. 13 necnon libro octavo ep. 6, 8, 12, 14, 17.


    • Brutus, capitulis 267 et 324.

    • libro primo de Divinatione 29-30, 105 et 132.

    • libro quarto Epistularum ad Atticum, epistulae 1 et 17-18, necnon libro quinto ep. 16-17.


    • In Pisonem 35.

    • libro primo Tusculanarum disputationum cap. 37.




  • Lucanus libro quinto Pharsaliae versibus 65-236.


  • Plutarchus, Pompeius 57.

    • Lucullus 19 et 21.



  • Varro, De re rustica (Ap. Claudius Pulcher est dialogi persona)



Bibliographia |



  • "Claudius (38)" in William Smith, ed., Dictionary of Greek and Roman Biography and Mythology (Londinii: Taylor & Walton, 1844-1849 ~) vol. 1 pp. 770-771

  • Jeffrey Tatum, 'The Marriage of Pompey's Son to the Daughter of Ap. Claudius Pulcher', Klio 1991(73) : 122-129 Hic legere potes








Antecessores:
Marcus Licinius Crassus II et Gnaeus Pompeius Magnus II

Consul
54 a.C.n.
cum
Lucio Domitio Ahenobarbo
 Successores:
Marcus Valerius Messalla Rufus et Gnaeus Domitius Calvinus



-

Popular posts from this blog

How to label and detect the document text images

Image
1 $begingroup$ This is what I mean as document text image: I want to label the texts in image as separate blocks and my model should detect these labels as classes. NOTE: This is how the end result should be like: The labels like Block 1, Block 2, Block 3,.. should be Logo, Title, Date,.. Others, etc. Work done: First approach : I tried to implement this method via Object Detection, it didn't work. It didn't even detect any text. Second approach : Then I tried it using PixelLink. As this model is build for scene text detection, it detected each and every text in the image. But this method can detect multiple lines of text if the threshold values are increased. But I have no idea how do I add labels to the text blocks. PIXEL_CLS_WEIGHT_all_ones = 'PIXEL_CLS_WEIGHT_all_ones' PIXEL_C...
Read more

Vallis Paradisi

Image
Coordinata: .mw-parser-output .geo-default,.mw-parser-output .geo-dms,.mw-parser-output .geo-dec{display:inline}.mw-parser-output .geo-nondefault,.mw-parser-output .geo-multi-punct{display:none}.mw-parser-output .longitude,.mw-parser-output .latitude{white-space:nowrap} 33°03′S 71°37′W  /  33.05°S 71.617°W  / -33.05; -71.617 Vallis Paradisi Res apud Vicidata repertae: Civitas : Chilia Numerus incolarum : 296 655 Zona horaria : UTC-4 Situs interretialis Nomen officiale : Valparaíso Gubernium Consilium : municipal council of Valparaíso Geographia Superficies : 401 600 000 Metrum quadratum Coniunctiones urbium Urbes gemellae : Ovetum , Badalona , Santa Fe , Ora longa , Sciamhaevum , Quantunia , Callao , Bat Yam , Melaka , Novorossiysk , Busan , Corduba , Odessa , Rosario , Malacca , Barcino , Soteropolis , Franciscopolis (California) , Guanajuato, Silao Tabula aut despectus Despectus in portum sinumque et urbem Vallis Paradisi Vallis Para...
Read more

Tabula Rosettana

Image
Tabula multilinguis Rosettana in Museo Britannico ostenditur. Tabula Rosettana, [1] etiam titulo OGIS 90 agnita, est stela decreto de rebus sacris in Aegypto anno 196 a.C.n. lato inscripta. Tabula iuxta Rosettam Aegypti, urbem in delta Nili et ad oram maris Mediterranei iacentem, anno 1799 a milite Francico reperta est. Inventio stelae, linguis duabus scripturisque tribus inscriptae, eruditis Instituti Aegypti statim nuntiata est; ibi enim iussu imperatoris Napoleonis eruditi omnium scientiarum (sub aegide Commissionis Scientiarum et Artium) properaverant cum expeditione Francica. Qua a Britannis mox debellata, tabula Rosettana Londinium missa hodie apud Museum Britannicum iacet. Textus Graecus cito lectus interpretationi textuum Aegyptiorum (in formis hieroglyphica et demotica expressorum) gradatim adiuvit. Denique textum plene interpretatus est Ioannes Franciscus Champollion. Ab opere eruditorum cumulativo coepit hodiernus scripturae hieroglyphicae linguaeque Aegyptiae a...
Read more