Htydjtk

Felgueiras

Insigne Vexillum
Urbis sententiola: Felgueiras (Felgaria)
Gentilicium	Felgariensis-e
Area	115.74 km²
Numerus incolarum  - Totus (2011)  - Spissitudo	58 065 inc. 501.68 inc./km²
Numerus freguesiarum	20
Praeses Camerae Municipalis	Ignatius Ribeiro (PSD/PPM)
Regio	Septemtrio
Subregio	Tamăca
Districtus	Portus Cale
Antiqua provincia	Durius Litoralis
Patronus	Sancta Eulalia
Feriatus municipalis	29 Iunii
Numerus cursualis	4610 Felgueiras
Situs interretialis	www.cm-felgueiras.pt

Felgaria^[1] (Lusice Felgueiras) est Lusitana urbs in districtu Portu Cale, in Regione Septemtrione (Lusice Regiãmo Norte) et in Subregione Tamăca, in freguesia Margaritus (Sancta Eulalia), Varcĕna, Lagares, Varcenella et Maurus^[2][3][4][5] (Lusice Margaride (Santa Eulália), Várzea, Lagares, Varziela e Moure) inserta. Municipii sedes est cum 115.74 km² areae et cum 58 065 incolarum (anno 2011), subdivisum in freguesias viginti. Municipium a Septemtrione municipio Fafe (Lusice Fafe), a Boreoriente Celiobriga^[6] (Lusice Celorico de Basto), ab Austroriente Amarantho, ab Austroccidente Lausata et Boreoccidente Avicella^[7] ac Vimaranibus (Lusice Guimarães) terminatur.

Sunt duae urbes quas municipium complectitur: Felgaria et Lixa (Lusice Lixa).

Historia |

Prima historica Felgariae referentia in annum 959 regreditur, in Muniadomnae Dias testamento, cum citata est ut Villa Mauri^[8] (Lusice Moure) identificaretur: "In Felgaria Rubeans villa de Mauri". Nomen Felgaria (Lusice Felgueiras) "agrum filicibus tectum, quae, sicca, rubent (rubeans)" significat. Etiam sunt determinativum rubeans deberi causae ut hic locus igni carbonizatus esset asserentes. Hoc municipium ad Itinerarium Romanicum Vallis Sausae^[9] (Lusice Rota do Românico do Vale do Sousa) pertinet.

Sunt historici Felgariam forum e comite Henrico accipere affirmantes. Verumtamen, solum cognitum est Dominis Emmanuelis I forum Iduum Octobrium anni 1514. Nihilominus, iam anno 1220, terra Felgaria parochias viginti (hodie freguesias nuncupatas) et varia coenobia et ecclesias habebat, inter quae notissimum concilii coenobium est Coenobium Palumbarium sive Coenobium Sanctae Mariae Palumbarii (Lusice Mosteiro de Pombeiro sive Mosteiro de Santa Maria de Pombeiro), Monumentum Nationale Decreto 16-06-1910, DG 136 diei 23 Iunii anni 1910 declaratum. Anno 1855, cum commarca facta esset, Felgaria freguesias duodecim magis assecuta est.

Die 13 Iulii anni 1990, Felgaria ad urbis categoriam elevata est.

Freguesiae |

Concilium Felgaria divisum est in freguesias viginti quae sunt in tabula inferiori:

Concilii Felgariae freguesiae post novam anni 2013 ordinationem administrativam.

Insigne	Freguesia Latine	Freguesia Lusice
	Agilio[10]	Aião
	Arianis[11]	Airães
	Fredenandus[12]	Friandi
	Ibda[13] seu Ida[14]	Idães
	Iugarii	Jugueiros
	Penna Cova[15]	Penacova
	Pignarius[16]	Pinheiro
	Rapinatus[17]	Revinhade
	Refonteira[18]	Refontoura
	Regildus[19]	Regilde
	Unio Freguesiarum Margariti (Sanctae Eulaliae), Varcĕnae, Lagarum, Varcenellae et Mauri[20][21][22][23]	União das Freguesias de Margaride (Stª Eulália), Várzea, Lagares, Varziela e Moure
	Unio Freguesiarum Petrariae, Randi et Sisenandi[24][25]	União das Freguesias de Pedreira, Rande e Sernande
	Unio Freguesiarum Torrados et Sausae[26]	União das Freguesias de Torrados e Sousa
	Unio Freguesiarum Unionis et Lauritelli[27]	União das Freguesias de Unhão e Lordelo
	Unio Freguesiarum Villae Covae Lixae et Borbae Godini[28][29]	União das Freguesias de Vila Cova da Lixa e Borba de Godim
	Unio Freguesiarum Villae Frigidae et Avicellae (Sancti Georgii)	União das Freguesias de Vila Fria e Vizela (São Jorge)
	Unio Freguesiarum Villae Mazanariae et Caramorum[30]	União das Freguesias de Macieira da Lixa e Caramos
	Unio Freguesiarum Villae Viridis et Santonis[31]	União das Freguesias de Vila Verde e Santão
	Vallis Palumbarii[32]	Pombeiro de Ribavizela
	Villa Sindini[33]	Sendim

Demographia |

Contentio |

Anno 2004, Fatima Felgueiras, Camerae Municipalis praeses, politico gravium proportionum scandalo implicata est. Dum Camerae Municipalis praeses erat, Fatima Felgueiras de corruptione et de pecunia illegaliter suppeditanda locali Factionis Socialisticae sectioni accusata est. Quamquam se innocens professa est et apparenter a bona localium incolarum parte defensa est, Fatima Felgueiras nationalis factionis directionis fiduciam amisit et iudex custodiae iussum securitatis causā nomine eius emisit. Fatima Felgueiras e natione exire et ad Urbem Fluminensem confugere consecuta est. Fatima Felgueiras duas nationalitates habet, Lusitanam (propter ius sanguinis) et Brasiliensem (propter ius soli) et, quamobrem, nunquam a Brasilia traderetur.

Septembre anni 2005, Fatima in Portugalliam redit, comprehensa est sed confestim liberata est, iudicium libera exspectans. In comitiis autarchicis die 9 Octobris anni 2005, Fatima Felgueiras municipii praeses intra independentis motus Sempre Presente indicem denuo electa est.

In anni 2009 legisferis, Fatima Felgueiras se candidata rursus in motu Sempre Presente professa est, unde victa exivit et ei succedit coalitio Nova Esperança, orta ex unione PPD/PSD et CDS-PP, ab Ignatio Ribeiro ductā.

Disportus |

Localis societas pedilusoria per varia decennia Futebol Clube de Felgueiras fuit qua iam transiverunt pedilusores velut Sergius Conceição, Philippus Teixeira, Fernandus Meira et exercitor Georgius Jesus. In praesenti, inter societates repraesentativissimas excellunt Futebol Clube de Felgueiras, inter annos 2011 et 2012 amplius cum 210 athletis formatis, e praescholaribus usque ad iuniores; Futebol Clube de Felgueiras 1932; Futebol Clube da Lixa; et Centro Recreativo Popular População de Barrosas, qui Divisionem Honoris societatis AF Porto participavit.

Gastronomia |

Notissima gastronomica specialitas in concilio Felgaria placenta spongia Margaritensis (Lusice: pão de ló de Margaride) est.

Coniunctiones cum aliis urbibus |

Felgaria coniunctionis foedera cum aliis urbibus habet, quae sunt secutae:

• 
  Sancta Maxentia^[34] (Francice: Pont-Sainte-Maxence), in Esia, in Francia
  


• 
  Boa Vista, in insula Boa Vista, in Promunturio Viridi
  


• 
  Sancta Crux Cabraliae Lusice; Santa Cruz de Cabrália), in Bahia, in Brasilia
  


• 
  Sanctus Ioannes Materiae (Lusice; São João da Madeira), in districtu Aviario, in Portugallia
  


• 
  Sanctus Vincentius (Lusice; São Vicente), in insula Sancto Vincentio, in Promunturio Viridi ^[35]
  

Nexus externi |

Generalia

Camera Municipalis Felgariae

Disportus

Societas pedilusoria FUTEBOL CLUBE FELGUEIRAS

Societas pedilusoria Clube Académico de Felgueiras

Cultura

Grex Laographicus Villae Mazanariae

Educatio

Schola Secundaria Felgariae

Communicatio socialis

Trames televisificus Vale do Sousa TV
Diarium Expresso de Felgueiras
Septimanale Semanário de Felgueiras

Valetudo

Centrum Salutis Felgariae
Valetudinarium Augustinus Ribeiro Felgariae

Notae |