Htydjtk

Marcus Antonius (Musea Vaticana)

Denarius argenteus anni 32 a.C.n.
obverso Cleopatra: CLEOPA[TRAE•REGINAE•REGVM•]FILIORVM•REGVM•
reverso Antonius: ANTONI•ARMENIA•DEVICTA

Marcus Antonius (Romae natus die 14 Ianuarii 83 a.C.n.; Alexandriae mortuus die 1 Augusti 30 a.C.n.), filius Marci Antonii Cretici et nepos Marci Antonii Oratoris, magistratus et imperator Romanus fuit. Suffragator magnus C. Iulii Caesaris erat. Caesare occiso, cum Octaviano et Lepido societatem iniit quae Triumviratus Secundus ab rerum gestarum scriptoribus nominatur. Clade Actiaca confecta, Antonius et uxor Cleopatra VII sibi mortem consciverunt.

Matrimonia et filii |

Antonius quinque uxores duxit, quorum nomina et proles sequuntur:

1. 
   Fadia liberti filia, e qua (si Ciceroni credimus) filios et filias genuit


2. 
   Antonia quam anno fere 47 a.C.n. ob adulterium reiecit
   
   • 
     Antonia quae Pythodoro Tralliano nupsit
   
   


3. 
   Fulvia quae anno 40 a.C.n. mortua est
   
   
   
   • Marcus Antonius Antyllus
   
   
   • Iullus Antonius
   
   
   
   


4. 
   Octavia minor Octaviani soror
   
   
   
   • 
     Antonia maior quae L. Ahenobarbo nupsit
   
   
   • 
     Antonia minor quae Neroni Claudio Druso nupsit, Claudii mater, Caligulae avia, Neronis proavia
   
   
   
   


5. 
   Cleopatra VII Aegypti regina
   
   
   
   • Alexander Helius
   
   
   • Cleopatra Selene II
   
   
   • Ptolemaeus Philadelphus
   
   
   
   

M. Antonii scripta |

Si plus cognoscere vis, vide Epistulae (Marcus Antonius) et De sua ebrietate

Epistulas M. Antonii, hodie deperditas, octies citat Suetonius in opere De vita Caesarum. De Octaviani avo argentario et proavo restione scripsit; de avo maternali unguentario ac pistore; de agnomine "Thurino" Octaviano per contumeliam tributo; de fuga Octaviani a proelio iuxta Mutinam; de cena "duodecim deorum" ab Augusto data; de Scribonia dimissa; de festinatis Liviae nuptiis et uxore quadam consulari ab Octaviano stuprato; et de feminis in usu eius ab amicis selectis.^[1]Plinius maior auctor est Antonium opus De sua ebrietate conscripsisse.^[2]

Fontes de vita M. Antonii |

• 
  Appianus, Bella Civilia libri 2-5


• 
  Dio Cassius, Historia Romana libri 41-50


• 
  Plutarchus, "Vita Marci Antonii"

Notae |

Bibliographia |

• "Antonius (12)" in William Smith, ed., Dictionary of Greek and Roman Biography and Mythology (Londinii: Taylor & Walton, 1844-1849 ~) vol. 1 pp. 214-216


• H. Bengtson, Marcus Antonius: Triumvir und Herrscher des Ostens. Monaci, 1977


• P. J. Bicknell, "Caesar, Antony, Cleopatra and Cyprus" in Latomus vol. 36 (1977) pp. 325-342


• Eleanor G. Huzar, "Mark Antony: Marriages vs. Careers" in Classical Journal vol. 81 (1985/1986) pp. 97-111


• K. Scott, "Octavian's Propaganda and Antony's De Sua Ebrietate" in Classical Philology vol. 24 (1929) pp. 133-141

Nexus interni

• Cenae Antonio a Cleopatra datae (41 a.C.n.)


• Uniones Cleopatrae reginae


• Convivium Marci Antonii novissimum


• Quod futuit Glaphyran Antonius


• 
  Pax Brundisina (40 a.C.n.)


• 
  Pax Misenensis (39 a.C.n.)


• 
  Pax Tarentina (37 a.C.n.)